الغلط ولا المصيبه بصراحه رائى ان الغلط والتمادى فيه هو بيكون سبب المصيبه .
 |
| الغلط والمصيبه |
مش مصيبه الاقدار .
مقصود كلامى هنا بالمصيبه بالغلط المركب او كارثه مش مصيبه الاقدار زى الحوادث والموت والغفلات لاء خالص .
السبب التمادى فى الغلط .
المقصود لما يبقى فيه غلط ومكنش مقصود وحبيت ادارى عليه واتماديت فيه بحجه ماهو كان من الاول ،او معلش اكيد هتعدى ، ممكن حد يقدر . حجاات كتير وحجج كتير بنغطى على الغلطه الاولى .
مياة غازيه .
عشان مش قادرين نواجه نفسنا او اشخاص فالغلطه بتكبر وتكبر لغايه ميكنش ليها حل وتبقى مصيبه او كارثه بالظبط زى مابنجيب زجاجه مياة غازيه ونرجها واحنا قافلين اول مانحرك الغطا بيحصل انفجاار .
دة بسبب الضغط وفيه اشكال كتير للمشاكل الصغيرة وتكبر وتبقى مصيبه وكارثه وديه بعض الامثله .
امثله على الماشى .
- مثال شاب محترم ابوة اداله مصاريف الدرس الشاب فى سن المراهقه صرف الفلوس على نفسه وصحابه ديه غلطه معرفش يواجهه الغلطه انه يعترف لابوة وابتدى يسيب الدروس والدراسه واكيد هيمشى فى سكه مش مظبوطه وممكن ابوة لما يعرف يروح فيها تخيل حجم او غلطه وعشان تمادى وصل لفين فيه احتمالات كتير غير تعب الاب انه يروح فيها زى يبقى الابن مدمن ويتمسك او حرامى المهم كلها مصايب وكوارث وواردة جدا لو كان واجهه المشكله وندم وقال لابوة مهما كان العقاب اهون من اللى وصله .
- مثال بنت حبت واحد واتخطبت وربنا ظهر ليها حجات كتير فى شخصيته وهى واخدة بالها وتحت بند انه ممكن يتغير تدارى على اهلها حجات من حقهم يعرفو عنها فى شخصيته تستحمل وتقول ممكن يقدر حبى ليه ممكن يتغير هى تتمادى انها تدارى وتتنازل وهو يتمادى فى احساس انه سبع البرمبه اللى محدش يقدر يستغنى عنه ويتم الجواز وتبتدى المصايب تتوالى باقى العمر وكان الحل اسهل بكتير فى البدايه .
- مثال ام اولادها كبرو وبيغلطو غلطات سهله ممكن حلها بس محتاجه الاب يتدخل تدارى على الاب وتوصل صورة غير الواقع وتتمادى انها تدارى عليهم وهما يتمادو فى الغلط اى انكان بدل ماحد بيدارى خلاص يبقى الطرف التانى من حقه يعمل الغلط لغايه وقوع كوارث مالهاش حل وكان الحل بسيط انها تدخل الاب علشان يقوم بواجبه .
الحل المواجهه .
امثله كتيرة مافيش حد معصوم منها وملهاش سن معين عشان يعمل الغلط ويدريه بغلط لغايه وقوع الكوارث ويصاحبها الندم وكانت الحلول فى الاول بسيطه يبقى مافيش احسن من المواجهه من اول المشاكل علشان التكرار نتجته كوارث وندم .
للاسف الموقف الصح بيتاخد بس وقت المصيبه مش المشكله وهى سهله الحل وكأننا بنتباهى بقوة تحملنا وحل الالغاز العميقه .
وياريت كلنا نعمل بى اعقلها وتوكل لما بنعقلها ومنسمحش لتمادى الغلط .
وقتها لو حصلت المصيبه مابيكنش معاها ندم بتحس انك عملت اللى عليك ودة كان لازم يحصل مش ناتج تراكم من عندك .
مشكله وخلاص .
ووقتها كفايه احساس المصيبه بلاش يكون معاه احساس ندم كمان وقتها اسقبال المصيبه ولا الكارثه اسهل ومش بيتبص ليها على انها كارثه او مصيبه بيتبص على انها مشكله وخلاص .
إرسال تعليق
رئيكم يهمنى